٢٦‏/٠٣‏/٢٠٠٧

اعتقلونى ... يومين لله ...

اعتقلونى

اعتقلونى اعملوا معروف
اعتقلونى يومين لله

اعتقلونى عاوز أنام
والله بنام بأمانة حداكم

والله فى بيتنا ما بعرف أنام
طول الليل أنا باستناكم

فاكر مرة رحت أنام
قامت جارة ضربت جوزها

صرخ الراجل بالحيّانى
حصلت دبكة وهيصة كمان
قلت دا والله جم ياخدونى
وأما عرفت حكاية جارنا
قلت يا شيخ منك لله
هوّه أنا ناقصك أنت وهمّا
طول الليل ظليت أنا صاحى

الصبحية خرجت الشارع
شمال ويمين عمال باترنح

رحت الشغل الناس بصولى
قالوا حكايتك تطلع إيه

قلت يا ناس من الخوف باتقطّع
ولما حكيت للناس مشكلتى

قالوا يا راجل سلم نفسك
ناملك قد يومين فى الحبسة
ريّح نفسك بعدين إطلع
احسن ضغطك بعدين يرفع
ولا يجيلك جلطة كمان
والا السكر ينزل يطلع
روح وياهم تبقى تمام

اعتقلونى اعملوا معروف
اعتقلونى يومين لله

مرة قالولى اتلّم احسنلك
تبقى النومة فى بيتكوا تمام
قلت دى تهمة ولزقت فيّه
ما بتطلع ولا بالزار
أهل الحتة يقولوا ده مجدع
واخد باله من الجعانين
والمحتاجة والمظلومة والعصيانه بره البيت
عينه علينا زى والدنا واللا أخونا م الأبوين
أمن الدولة قالوا إرهابى
ده بيتسلل للمساكين
بعد شوية هايجندكم
وهايبعتكم لفلسطين
والا مليشيا فى الجامعات
عند المرشد تدّوا البيعة
مسكين مصحف ويّا سيفين
عندها نيجى بالقوات
ناخد أهلك والى جابوك
ونوديكم ع المحكوم
ويّا عطية وعم كمال
والمساجين إياهم دوله
حوكشة وبشلة وشغته كمان
وابقى قابلنى ان شمسك طلعت
والا حبايبك عرفوا مكانك
م المحكوم ع المزرعة تمشى
والا نوديك على النطرون
والا عساكر تحكم فيكم
خدلك فيها سنة وسنتين
بس الناس علشان عارفانى
قالوا معاكوا فى أى مكان
لا يهمنا مزرعة ولا غيره
ولا محكوم ولا وادى نطرون
إحنا معاكوا لحد الجنة
نلقى فيها سحرة فرعون
وف جنة رضوان نتنعم
عند نبينا والشيخين
واللى فى ناحية لوحده ... يفرقع
ولا إبليس ولا غيره هينفع
كله ساعتها فى الرجلين
يبكوا يقولا خلاص حرمنا
والا يقولوا يا ريتنا بنرجع
وما نعملش عملنا الشين
قال المولى ليهم ( كلا )
فرصة وحيدة خلاص خدتوها
مالهاش ملحق ولا شافعين

م/محمود المرسى


٠٧‏/٠٣‏/٢٠٠٧

عسكر عسكر عسكر ليه ... وقالوا اديها كمان حرية .. أخدوا الشاطر فى الفجرية










عساكر فى كل حته ... مش عارف اشوف بابا ..هو إيه الى بيحصل ... قالوا اديها كمان حرية ... اخدوا أبويا فى الفجرية ..


يوم التحفظ على أموالنا ... حسبنا الله ونعم الوكيل






حسبنا الله ونعم الوكيل ... وهذه الصور لا تعليق عليها فهى لا تحتاج لتعليق

٠٦‏/٠٣‏/٢٠٠٧

لو سألوكى ... قولى يا بنتى ...

لو سألوك قولى يا بنتى
كل حكايتى
إن أبويا
حب بلدنا زى عنيه
لم فلوسه وجمع أصحابه
حلفوا ما يعملوا غير الخير
برضوا قلوليلهم إن يا بنتى
كل فلوسهم كدّ عرقهم
ولا مليم من كدح الغير
ولا يوم غدروا
ولا يوم فجروا
ولا يوم هاجروا
يحطوا فلوسهم بره بلدهم
بل فى بنوكها ... وفـ شركاتهم
لاجل ولادها
شغّلوا منهم جمع كبير
كل الناس يا ولاد حبوهم
أصل عملهم كان ويّاهم
كل إيجابى
مش حطوهم فى العبارة
ولا قتلوهم جوّه عمارة
ولا سمّموا أكل الملايين
قولى يا بنتى وارفعى راسك
إن أبويا حب بلدنا زى عنيه
وأمّا إياهم عرفوا حكايته
هوّ وهمّ .. جم أخدوهم
من أولادهم نص الليل
سيدنا القاضى ... وصله خبرهم
قال مش ممكن .. خلو سبيلهم
حالاً فوراً . بلا ضمنات
يرضى عنك ربى المولى
يا سيدنا القاضى
ويحوش عند كيد عداك
بس إياهم قالوا لا يمكن
اعتقلوهم ... صدروا أموالهم
وف إعلامكم قولوا كلام
يفقد فيهم ثقة الناس
وتحاكموهم عند عساكر
هيّ أوامر راح ياخدوها
احبس هذا وذاك وخلاص
علشان كوندى ترضى علينا
وتعرف إنّا بالإخلاص
تسرى أوامر منها علينا
من غير فكر ولا إحساس
رغم كلمهم

قولى يا بنتى وارفعى راسك
إن أبويا حب بلدنا زى عنيه
بس يا بنتى
أوعك تنسى تقولى للناس
هىّ رحايه ودايره علينا
لو تركوها
سوف تاخدهم فى الرجلين
لو وقفوها وكسروا مجرها
يبقى أملنا نعيش فى أمان
قولى يا بنتى

[ أمانى محمود المرسى ]

أبناء المعتقلين وعزيمة لا تلين .. كالشموس المشرقة






قوات الأمن منعت الجميع من دخول المحكمة


حرصت قوات الأمن على منع أهالى المعتقلين من حضور جلسة النطق بالحكم فى قضية التحفظ على الأموال

شرارة البدء




مدونة حرية


من أجل حرية الشرفاء ...


نضئ شمعة .... ولا نلعن الظلم ...


معاً ... من أجل حرية الشرفاء ...