اعتقلونى
اعتقلونى اعملوا معروف
اعتقلونى يومين لله
اعتقلونى عاوز أنام
والله بنام بأمانة حداكم
والله فى بيتنا ما بعرف أنام
طول الليل أنا باستناكم
فاكر مرة رحت أنام
قامت جارة ضربت جوزها
صرخ الراجل بالحيّانى
حصلت دبكة وهيصة كمان
اعتقلونى اعملوا معروف
اعتقلونى يومين لله
اعتقلونى عاوز أنام
والله بنام بأمانة حداكم
والله فى بيتنا ما بعرف أنام
طول الليل أنا باستناكم
فاكر مرة رحت أنام
قامت جارة ضربت جوزها
صرخ الراجل بالحيّانى
حصلت دبكة وهيصة كمان
قلت دا والله جم ياخدونى
وأما عرفت حكاية جارنا
قلت يا شيخ منك لله
هوّه أنا ناقصك أنت وهمّا
طول الليل ظليت أنا صاحى
الصبحية خرجت الشارع
شمال ويمين عمال باترنح
رحت الشغل الناس بصولى
قالوا حكايتك تطلع إيه
قلت يا ناس من الخوف باتقطّع
ولما حكيت للناس مشكلتى
قالوا يا راجل سلم نفسك
ناملك قد يومين فى الحبسة
ريّح نفسك بعدين إطلع
احسن ضغطك بعدين يرفع
ولا يجيلك جلطة كمان
والا السكر ينزل يطلع
روح وياهم تبقى تمام
اعتقلونى اعملوا معروف
اعتقلونى يومين لله
مرة قالولى اتلّم احسنلك
تبقى النومة فى بيتكوا تمام
قلت دى تهمة ولزقت فيّه
ما بتطلع ولا بالزار
أهل الحتة يقولوا ده مجدع
واخد باله من الجعانين
والمحتاجة والمظلومة والعصيانه بره البيت
عينه علينا زى والدنا واللا أخونا م الأبوين
أمن الدولة قالوا إرهابى
ده بيتسلل للمساكين
بعد شوية هايجندكم
وهايبعتكم لفلسطين
والا مليشيا فى الجامعات
عند المرشد تدّوا البيعة
مسكين مصحف ويّا سيفين
عندها نيجى بالقوات
ناخد أهلك والى جابوك
ونوديكم ع المحكوم
ويّا عطية وعم كمال
والمساجين إياهم دوله
حوكشة وبشلة وشغته كمان
وابقى قابلنى ان شمسك طلعت
والا حبايبك عرفوا مكانك
م المحكوم ع المزرعة تمشى
والا نوديك على النطرون
والا عساكر تحكم فيكم
خدلك فيها سنة وسنتين
بس الناس علشان عارفانى
قالوا معاكوا فى أى مكان
لا يهمنا مزرعة ولا غيره
ولا محكوم ولا وادى نطرون
إحنا معاكوا لحد الجنة
نلقى فيها سحرة فرعون
وف جنة رضوان نتنعم
عند نبينا والشيخين
واللى فى ناحية لوحده ... يفرقع
ولا إبليس ولا غيره هينفع
كله ساعتها فى الرجلين
يبكوا يقولا خلاص حرمنا
والا يقولوا يا ريتنا بنرجع
وما نعملش عملنا الشين
قال المولى ليهم ( كلا )
فرصة وحيدة خلاص خدتوها
مالهاش ملحق ولا شافعين
م/محمود المرسى
هوّه أنا ناقصك أنت وهمّا
طول الليل ظليت أنا صاحى
الصبحية خرجت الشارع
شمال ويمين عمال باترنح
رحت الشغل الناس بصولى
قالوا حكايتك تطلع إيه
قلت يا ناس من الخوف باتقطّع
ولما حكيت للناس مشكلتى
قالوا يا راجل سلم نفسك
ناملك قد يومين فى الحبسة
ريّح نفسك بعدين إطلع
احسن ضغطك بعدين يرفع
ولا يجيلك جلطة كمان
والا السكر ينزل يطلع
روح وياهم تبقى تمام
اعتقلونى اعملوا معروف
اعتقلونى يومين لله
مرة قالولى اتلّم احسنلك
تبقى النومة فى بيتكوا تمام
قلت دى تهمة ولزقت فيّه
ما بتطلع ولا بالزار
أهل الحتة يقولوا ده مجدع
واخد باله من الجعانين
والمحتاجة والمظلومة والعصيانه بره البيت
عينه علينا زى والدنا واللا أخونا م الأبوين
أمن الدولة قالوا إرهابى
ده بيتسلل للمساكين
بعد شوية هايجندكم
وهايبعتكم لفلسطين
والا مليشيا فى الجامعات
عند المرشد تدّوا البيعة
مسكين مصحف ويّا سيفين
عندها نيجى بالقوات
ناخد أهلك والى جابوك
ونوديكم ع المحكوم
ويّا عطية وعم كمال
والمساجين إياهم دوله
حوكشة وبشلة وشغته كمان
وابقى قابلنى ان شمسك طلعت
والا حبايبك عرفوا مكانك
م المحكوم ع المزرعة تمشى
والا نوديك على النطرون
والا عساكر تحكم فيكم
خدلك فيها سنة وسنتين
بس الناس علشان عارفانى
قالوا معاكوا فى أى مكان
لا يهمنا مزرعة ولا غيره
ولا محكوم ولا وادى نطرون
إحنا معاكوا لحد الجنة
نلقى فيها سحرة فرعون
وف جنة رضوان نتنعم
عند نبينا والشيخين
واللى فى ناحية لوحده ... يفرقع
ولا إبليس ولا غيره هينفع
كله ساعتها فى الرجلين
يبكوا يقولا خلاص حرمنا
والا يقولوا يا ريتنا بنرجع
وما نعملش عملنا الشين
قال المولى ليهم ( كلا )
فرصة وحيدة خلاص خدتوها
مالهاش ملحق ولا شافعين
م/محمود المرسى
هناك ٤ تعليقات:
طيب ما تقولوا لهم يعتقلونى أنا كمان
لحسن الحال من بعضه
شعر أكتر من رائع بالله عليكم هل يمكن أن يعتقل مثل هذا الرجل رحمة الله على الأمه
بارك الله فيك يا باشمهندس /محمود
لافض فــــــــوك
حسن سلام
كلام جميل وموهبة جديدة للباشمهندس لم نكن نعرفها سابقا. يا ريت الكل يورينا مواهبه قبل ما يشرف جوه أحسن له
أبو مهند
إرسال تعليق