شعر ... عاصم المرسى

بابا حبيبى جُم أخدوه
من أولاده فى عز الليل
حُضنى الدافى
لما بنزعل نجرى عليه
نسمع منه كلمة جميلة
وف أحضانه كل سعادة
وما نعرفش وياه خوف
حضنى الغالى
لما حاجة ف يوم تزعجنى
ولا مشاكل بتأرقنى
ألقى أبويا واقف جنبى
بيفهمنى كل دروسى
وبينصحنى ف كل أمورى
ويعلمنى أعيش للناس
واخدم بلدى بقلبى وروحى
وأطيع ربى بكل حماس
بس يا عينى جم أخدوه
حرموه منى
وأنا حرمونى منه كمان
الصُبحيّه أدور حوليا
ملاقيش بابا يملا عينيا
ولا أبوس إيده قبل ما أنام
ياللى أخدتوا منى أبويا
ليل ونهار أنا رافع إيدى
وبأقول منكم بقى لله
حسبى ربى ياخدلى بتارى
من اللى أخدوا منى أبويا

كتبه : عاصم المرسى