امتى هايرجع

ماما ماما
ماما قوليلى
امتى هايرجع بابا حبيبى
طالت غيبته بجد يا ماما

قلبى يا ماما مش مستحمل
فكرى ياماما راح يتشتت
حالتى ياماما مش كالعادة
زى ما بابا كان ويياي
مش قلتلنا ياماما
بابا جاى بسرعة ؟
مر علينا شهر اتنين
لا دا اتناشر شهر .. ياماما !!
ليها ما ارجعش حبيبى يا ماما ؟
ليه ما راجعش حبيبى يا ماما ؟

عارفه يا ماما لو يوم يرجع
هاخده فى حضنى
ها اعيش جواه
ها املا عانيه منها ياماما ،
هافضل ماشى فى ضل حبيبى ،
هافضل رايح جاى معاه ،

عارفه يا ماما لو يخدوه ؟
ها اروح وياه
جوه السجن هاعيش معاه
جوه السجن هاكون فى الجنة ،
لما بابا يكون ويّايا

ابنى حبيبى الروح تفديك
إنت وبابا حبى وحبك
ربى القادر
يسمع منى ومنك
ويرد لنا نور العين

شايفه يا ماما
عامر إبنك
ويّا أمانى
فى البلكونة بينتظروه

سامعة ياماما
دا بيتواعدوا
إنه يخلو بيتنا جنة
لما يرجع بابا حبيبى

عارفة ياماما
إيه راح يحصل
لما هايرجع
كتفى فى كتفه
نسجد نرجع
إيدى فى إيده
ولدعوتنا نعيش أيامنا
ولدعوتنا نعيش أيامنا

ابنى حبيبى الله يحميك
طالع راجل زى أبوك
عارف يا بنى إيه كان حلمه ؟
إنه يشوفك
راجل دعوة انت وأخوك
إنه يشوفك
تحمى بلادك م الخاينين
م اللى ف باطنه واكل خيرها
واللى عامل للأعداء
خده مداس
وبينداس ع الخدين
وابو وشين
واللى يزور رأى الناس

عارفة يا ماما
إن أبويا لما خدوه
فتحوا عينى ع الأحوال
علموا إبنك درس كبير
علموا إبنك إن يغير
ع الأوطان
وإن حياته .. ماهيش ليه
لأ .... لبلاده .. ولإسلامه
علموا إبنك ..
إنه يعيش للناس
علموا إبنك
إن يكون لله
كل حياته
زى أبوه ...

يحميك يا ابنى ..
لما بابا يوم راج يرجع
منك يسمع
إنك ماشى على منهاجه
راح يستعذب طول الحبسة
يعرف إنه إلمولى ..
واخده باله من أولاده
وبيصنعهم تحت عنيه

شكراًَ شكراً يا رباه
إحنا عبيدك وانت إله
زى ما تقضى إحنا بنرضى
زى ما تأمر إحنا بنعمل
شكراً شكراً يا رباه

شعر : المهندس محمود المرسى